Podcast
Benvidos a un
novo podcast do
Museo Liste – Etnográfico de Vigo.
A PEDRA DA BICA:
Rafael González Goyanes
Por este medio aproveitamos para contarvos historias etnográficas que agardamos sexan do voso interese. Iremos ofrecéndovos novos contidos cunha temática relacionada coa antropoloxía, a etnografía e a historia.
Neste ocasión, Rafael González Goyanes, ensínanos como se facía e como se cocía un pan de millo que na zona de A Cañiza coñecen como “bica”.
Cando falamos de “bica”, todos pensamos no delicioso biscoito, máis, na zona de A Cañiza, comían outras ”bicas”: un pan feito con fariña de millo.
Na primeira acepción do dicionario da Real Academia Galega, chámase bica a un “pan baixo que se cocía a porta do forno ou na lareira, adoito de fariña milla e sen fermento”.
Estas bicas tamén chamadas “bolos do lar” servían para prover de pan, ata a seguinte fornada, á casa que quedara sen el.
Este vídeo móstravos como se facía.
Noite Branca
(5/8/2022)
O FIADO TRADICIONAL DA LA:
Rafael González Goyanes
Este pequeno video ofrécevos un fragmento da exhibición sobre o fiado tradicional da la realizada polo noso colaborador Rafael González Goyanes na pasada Noite Branca.
A tecedura é, xunto coa cestería, unha das actividades máis antigas realizadas polo ser humano.
A manufactura textil ordenábase tradicionalmente nunha rea de pasos que ían dende a obtención das materias primas ata o tecido, en tear artesanal, do fío obtido .
Dentro dese proceso, o fiado conseguía convertir as fibras naturais en longos e resistentes fios que permitían, posteriormente, confeccionar as teas. O procedemento do fiado consistía, polo tanto, en rotar e torcer as fibras para obter o fío.
Para o fiado utilizábanse os fusos e as rocas das que o museo atesoura unha escollida colección que vos convidamos a visitar.
