Invitámosvos  a participar na próxima exposición temporal do Museo, na  que, baixo o título  “Queridos obxectos:  materialidade da emoción”, queremos  poñer de relevo o valor deses obxectos mestura de nostalxia e sedución, que, como testemuña de viaxes,  nos vencellan a un lugar ou experiencia vivida que nos trasladou fora da rutina.

Obxectos que comunican, que posúen un  significado cultural que se transfire a través do troco e cunha razón de ser eminentemente simbólica,  non exentos en ocasións de certo contido máxico e de ritualidade,   que dín tamén,  tanto do lugar como da persoa que os adquire.

A través da exposición se  plantexa unha  reflexión sobre as formas e conceptos destes artigos dende a súa dimensión simbólica e funcional. Afondar na evolución adaptativa na que puido prevalecer o deseño, calidade, atractivo, prezo, exclusividade, ou a súa estandarización e, en moitos casos, vulgarización…cun achegamento a eses procesos de trasformación  que os  modifican tamén  en función da mirada e desexos do visitante, así como o seu papel no seo das relaciones  do consumo económico turístico.

Terán cabida na exposición, dende obxectos Kitsch; obxectos tradicionais de artesanía; souvenir utensilio; souvenir clásico;  industriais  e seriados ou aqueles que pola súa orixinalidade foron  quen  de espertar un individual interese que lles conferiu protagonismo como  construtores da experiencia da propia viaxe e o poder evocador do  recordo do vivido.

Se estades interesados en participar neste proxecto, animámosvos a cubrir os datos solicitados no formulario da parte inferior e, en breve, poñerémonos en contacto con vós para que nos fagades chegar as fotografías do voso obxecto especial.