Recomendamos
XELA ARIAS
LETRAS GALEGAS
2021
“E aínda que doia, pretendo que cando me sento diante dun papel non penso: son muller. Como non penso son miope, son galega»
Co gallo da celebración do Día das Letras Galegas, este ano dedicado a Xela Arias, recomendamos a lectura da súa obra.
Xela Arias atesoura unha longa lista de títulos como tradutora e poetisa. Entre os seus poemarios, Denuncia do equilibrio (1986); Tigres coma cabalos (1990); Darío a diario (1996);… Menos coñecida é a súa narrativa con relatos como os recollidos na obra colectiva “Contos eróticos/Elas” (1990). Tamén colaborou como letrista co desaparecido grupo de rock vigués Desertores no disco “El Desertor” de 1991.
Quinta muller en ser recoñecida dende a creación deste evento alá polo 1963. Se ben, a primeira homenaxeada foi a Gran Rosalía, a presenza da muller nestes recoñecementos é, ata o momento, moi residual. Agardamos que no futuro sexan agasalladas figuras senlleiras como Filomena Dato e Xohana Torres entre outras.
Recomendamos a lectura do artigo sobre mulleres e literatura que Xela presentou no Encontro de escritores galegos e portugueses celebrado en Santiago de Compostela en setembro de 1991. Deixamos abaixo á ligazon da Real Academia Galega que o recolle en edición dixital:
http://publicacions.academia.gal/index.php/rag/catalog/view/373/374/1225-2
“E aínda que doia, pretendo que cando me sento diante dun papel non penso: son muller. Como non penso son miope, son galega. E permítome non pensalo porque elixín ou elixíronme os folios para contar non sei ben que a non sei ben quen. E quero que siga sendo así. Pero como durante 24 horas cada día son plenamente consciente de que son muller, miope e galega, tamén sei – e por iso a falacia faise falacia, e logo deixa de selo- que eu só podo escribir desde muller, desde miope e desde galega.” (Xela Arias)
